"Наполи" "Борнмут" ярим ҳимоячиси Ҳамид Траорени қўлга киритиш устида ишламоқда. Бу ҳақда Football Italia хабар бермоқда.
Манбага кўра, парфенопияликлар ивуарлик билан тезроқ шартнома имзоламоқчи. "Наполи" бош мураббийи Валтер Маццарри футболчининг тактик мослашувчанлигини ва италян футболини билишини юқори баҳолайди (футболчи аввалроқ "Сассуоло"да ўйнаган). Қайд этилишича, 23 ёшли ярим ҳимоячига "Милан" ва "Рома" клублари ҳам қизиқиш билдирмоқда.
Траоре бир йилдан бери "Борнмут"да ўйнамоқда. Жорий мавсумда ярим ҳимоячи барча турнирларда "гилослар" сафида бор йўғи олтита ўйин ўтказиб, битта гол урган.
Футболчининг амалдаги клуби билан шартномаси 2028 йилнинг июн ойи охиригача амал қилади. Трансфермаркт интернет порталига кўра футболчининг тахминий нархи 18 миллион еврони ташкил қилади.
