"Napoli" "Bornmut" yarim himoyachisi Hamid Traoreni qo‘lga kiritish ustida ishlamoqda. Bu haqda Football Italia xabar bermoqda.
Manbaga ko‘ra, parfenopiyaliklar ivuarlik bilan tezroq shartnoma imzolamoqchi. "Napoli" bosh murabbiyi Valter Massarri futbolchining taktik moslashuvchanligini va italyan futbolini bilishini yuqori baholaydi (futbolchi avvalroq "Sassuolo"da o‘ynagan). Qayd etilishicha, 23 yoshli yarim himoyachiga "Milan" va "Roma" klublari ham qiziqish bildirmoqda.
Traore bir yildan beri "Bornmut"da o‘ynamoqda. Joriy mavsumda yarim himoyachi barcha turnirlarda "giloslar" safida bor yo‘g‘i oltita o‘yin o‘tkazib, bitta gol urgan.
Futbolchining amaldagi klubi bilan shartnomasi 2028 yilning iyun oyi oxirigacha amal qiladi. Transfermarkt internet portaliga ko‘ra futbolchining taxminiy narxi 18 million yevroni tashkil qiladi.