Туриннинг "Ювентус" клуби "Наполи" қизиқиш билдираётган "Удинезе" ярим ҳимоячиси Лазар Самарджич учун курашга қўшилиши мумкин.
Футболчининг ўзи қишда “Удинезе”ни тарк этмоқчи, дея хабар бермоқда журналист Маттео Моретто Х (собиқ Твиттер) ижтимоий тармоғида.
Манбага кўра, сербиялик ярим ҳимоячи "Ювентус"нинг баъзи футболчилари билан гаплашган ва Турин клубига ўтишга тайёр.
Эслатиб ўтамиз, аввалроқ "Удинезе" ва "Наполи" Самарджич трансфери бўйича келишувга эришгани ҳақида хабар берилганди.
Жорий мавсумда Лазар Италия A сериясида “Удинезе” сафида 17 та ўйин ўтказиб, 2 та гол урди ва 2 та голли узатмага муаллифлик қилган.
Футболчининг амалдаги клуби билан шартномаси 2026 йилнинг июн ойи охиригача амал қилади. Трансфермаркт интернет порталига кўра футболчининг тахминий нархи 20 миллион еврони ташкил қилади.
