"Бавария"нинг чап қанот ҳимоячиси Рафаэль Геррейро "Ал-Ҳилол"нинг трансфер мақсадига айланди.
Португалиялик футболчи жорий мавсум бошланишидан олдин "Боруссия"дан эркин агент сифатида мюнхенликлар сафига қўшилганди. Мавсумнинг биринчи ярмида Геррейро доимий жароҳатлар билан боғлиқ муаммоларга дуч келди, бу эса ўйинларнинг муҳим қисмини ўтказиб юборишига сабаб бўлди.
L'Equipe нашри хабарига кўра, 30 ёшли футболчи келганидан 6 ой ўтиб "Бавария"ни тарк этиши мумкин: "Ал-Ҳилол" португалиялик футболчи билан боғланиб улгурган бўлса. Саудия клуби сотиб олиш опцияси билан ижара шартномасини тузишни кутмоқда.
Рафаэль Геррейро "Бавария" сафида барча мусобақаларда саккизта ўйинда битта гол урган.
