Испаниянинг "Хетафе" клуби ҳужумчи Борха Майорални Лондоннинг "Арсенал" клубига 25 миллион еврога сотишдан бош тортди. Испания клуби раҳбарияти жамоанинг энг яхши тўпурарини деярли икки баробар қиммат - 45 миллиондан кам эмаслигини аниқ айтди.
Бундай катта иштаҳа клубнинг Майораль билан тўрт йиллик шартномаси борлиги ва "Хетафе" уни сотишга шошилишдан маъно кўрмаётгани билан изоҳланади. Мадриднинг чеккасидаги клуб айни дамда Испания Ла Лигаси чемпионати турнир жадвалида саккизинчи ўринни эгаллаб турибди. Жамоа кейинги турда "Осасуна"га қарши баҳс олиб боради.
