"Ювентус" ҳужумчиси Аркадиуш Милик "Фрозиноне"га қарши ўйинда (4:0) хет-трик қайд этганидан сўнг, журналистлар саволларига жавоб берди.
Польшалик футболчининг учта голи туринликларга Италия кубоги ярим финалига чиқишга ёрдам берди. “Фрозиноне” дарвозасига киритилган тўртинчи гол муаллифи Кенан Йилдиз бўлди. Милик октябрь бошидан буён илк бор "Ювентус" сафида гол урди. Сўнгги ойларда 29 ёшли футболчи, одатда, захира футболчиси сифатида кифояланишга мажбур бўлди.
"Ярим финалга чиққанимиздан жуда хурсандман ва мен ўзимнинг хет-трикимдан жуда хурсандман, чунки бу мақсадимизга эришишимизга ёрдам берди. Мен ўзимни заҳирадаги футболчиси деб ҳисобламайман. Таркибни мураббий танлайди, лекин мен асосий таркибда бошламаган бўлсам ҳам жамоа учун ҳамма нарсани қиламан. Гол ура олмасам, бошқа йўллар билан фойдали бўлишга ҳаракат қиламан" - деди Милик Sky Sport нашрига берган интервьюсида.
