"Ювентус" ҳужумчиси Мойзе Кин "Ренн" клубининг қизиқишлари доирасига тушди. Кенг тарқалган миш-мишларга кўра, "кекса синьора" раҳбарияти 23 ёшли футболчини доимий ўйин амалиёти учун ижарага беришга тайёр.
Ouest-France нашри хабарига кўра, Франциянинг "Ренн" эътиборини форвардни қаратган. Яқинда Италия ОАВлари хабар беришича, футболчига "Монца" ва "Фиорентина" клублари ҳам қизиқиш билдирмоқда.
Жорий мавсумда Мойзе Кин "Ювентус" сафида 12 та ўйин ўтказиб, бирорта ҳам гол ура олмади.
Transfermarkt маълумотларига кўра италиялик футболчининг нархи 18 миллион еврони ташкил қилади.
"Ренн" 17-турдан кейин 19 очко билан Лига 1 турнир жадвалида ўнинчи ўринни эгаллаб турибди
