Ҳозиргина Қарши шаҳрида "Насаф" ва "Машъал" ёшлари ўртасидаги вилоят ҳокими кубогининг финал учрашуви ўз ниҳоясига етди. Жуда қизиқарли бўлган учрашувда Баҳодир Аннаматов шогирдлари ғалаба қозонишиб, мусобақанинг асосий совринини қўлга киритишди.

Учрашувнинг биринчи бўлими 15-дақиқасида "Насаф" ёшлари ҳисобда олдинга ўтиб олишди. Финалдаги ушбу ягона голга Азиз Маликов муаллифлик қилди.

Ҳоким кубоги. Финал
"Насаф" (ёшлар) - "Машъал" (ёшлар) 1:0 (1:0)
Гол: Азиз Маликов 15 - 1:0.

"Машъал" (ёшлар) жамоасининг 10 нафар аъзоси терма жамоадан таклиф олишгани ва ҳозирги пайтда Тошкентда терма жамоа ихтиёрида бўлишгани учун ҳам бугунги мағлубиятга асосий сабаб бўлди. Захирада деярли ўйинчи йўқ эди, улар учрашув давомида биргина ўйинчи алмаштиришди холос. Шундай бўлишига қарамасдан рақибларига нисбатан анча тажрибали бўлишган  "Насаф" ёшларига қарши  Дилшод Андаев шогирдлари жуда мазмунли ўйин намойиш этишди.

Биз барча футбол ишқибозлари номидан "Насаф" (ёшлар) жамоасини бугунги катта ютуқ билан муборакбод этамиз, улардан келгусида бундан катта муваффақиятларни кутиб қоламиз!