Кеча, 11 январь куни "Бавария" "Тоттенхэм" ҳимоячиси Эрик Дайер билан шартнома имзолаганини эълон қилди. 29 ёшли футболчининг клуб билан шартномаси 2024 йилнинг ёзига қадар мўлжалланган бўлиб, яна бир йилга узайтирилиши мумкин.
Шу тариқа, Дайер "Бавария" тарихида Мюнхен клубида ўйнаган тўртинчи англиялик футболчи бўлди. Ундан олдин "Бавария"да ҳимоячи Умар Ричардс, ҳужумчи Гарри Кейн ва ярим ҳимоячи Оуэн Харгривзлар ўйнаган эди.
Дайер 2014 йилдан бери "Тоттенхэм"да ўйнаб келмоқда. Деярли 10 йил давомида ҳимоячи клуб сафида 364 та ўйин ўтказиб, 13 та гол урди ва 12 та голли узатмани амалга оширди. Англиялик футболчи жамоа билан ҳеч қандай соврин ютмаган.
Жорий мавсумда Дайер 4 та ўйин ўтказди (198 дақиқа).
16 турдан сўнг "Бавария" 38 очко билан Бундеслигада 2-ўринни эгаллаб турибди. “Байер” чемпионатда пешқадамлик қилмоқда.
