Ҳуқуқлари "Манчестер Юнайтед"га тегишли бўлган ҳужумчи Aнтони Марсьяль фаолиятини Италия чемпионатида давом эттириши мумкин.
Бу ҳақда Football Italia журналистлари хабар бермоқда. Манбанинг хабарига кўра, франциялик ҳужумчининг трансферига Миланнинг "Интер" клуби қизиқиш билдирмоқда.
"Нерадзуррилар" футболчини ёзда Антони эркин агентга айланганда сотиб олишга тайёр. Марсьялнинг “қизил иблислар” билан тузган меҳнат шартномаси июн ойи охирида тугайди.
Aнтони 2015 йилдан буён "манкунианликлар" сафида ўйнаб келмоқда. Ўшанда "Манчестер Юнайтед" ҳужумчини "Монако"дан 60 миллион евро эвазига сотиб олганди.
Жорий мавсумда Марсьяль 19 та ўйин ўтказиб, 2 та гол урди ва 2 та голли узатмани амалга оширди.
