“Рома” ҳужумчиси Ола Сольбаккен Италияни тарк этди. 25 ёшли норвегиялик футболчи фаолиятини Япония чемпионатида давом эттиришга қарор қилди. Футболчининг янги иш жойи "Урава Ред Даймондс" бўлди.

Клуб расмий сайти хабарига кўра, томонлар мавсум охиригача ижара шартномасини туздилар. Скандинавиялик форвард мавсумнинг биринчи ярмини "Олимпиакос"да ўтказди.

У саккизта ўйин ўтказди ва гол урмади. Ола "Рома"га 2023 йил бошида "Бодье Глимт"дан кетганидан сўнг текинга ўтди. У “бўрилар” сафида 15 та ўйин ўтказиб, 1 та гол урди ва 2 та голли узатмани амалга оширди.