Роттердамнинг “Фейеноорд” клуби ҳужумчиси Санттяго Хименес фаолиятини “Туманли Албион”да давом эттириши мумкин. The Times хабарига кўра, мексикалик ҳужумчига Лондоннинг "Вест Хэм" клуби қизиқиш билдирмоқда.
Потенциал трансфер суммаси 35 миллион еврога баҳоланмоқда. "Болғачилар" Хименесни қўлга киритиш учун бу миқдорни сарфлашга тайёрми ёки йўқлиги ҳозирча номаълум.
Нидерландия чемпионатининг жорий мавсумида 22 ёшли тўпурар юқори ўйин намойиш этмоқда. Хименес 16 та учрашувда қатнашиб, 18 та гол ва 4 та голли узатмани амалга оширди.
