Rotterdamning “Feyenoord” klubi hujumchisi Santtyago Ximenes faoliyatini “Tumanli Albion”da davom ettirishi mumkin. The Times xabariga ko‘ra, meksikalik hujumchiga Londonning "Vest Xem" klubi qiziqish bildirmoqda.
Potensial transfer summasi 35 million yevroga baholanmoqda. "Bolg‘achilar" Ximenesni qo‘lga kiritish uchun bu miqdorni sarflashga tayyormi yoki yo‘qligi hozircha noma’lum.
Niderlandiya chempionatining joriy mavsumida 22 yoshli to‘purar yuqori o‘yin namoyish etmoqda. Ximenes 16 ta uchrashuvda qatnashib, 18 ta gol va 4 ta golli uzatmani amalga oshirdi.