"Ньюкасл" бош мураббийи Эдди Хау бразилиялик ярим ҳимоячи Жоэлинтоннинг олган жароҳати ҳақида гапирди. Мураббийнинг сўзларига кўра, футболчи камида олти ҳафтани ўтказиб юборади.

"Бу яхши эмас. Бу жароҳат сабаб у камида олти ҳафта майдонга туша олмайди ва бу биз учун ҳақиқий зарба. Жоэлинтон - муҳим футболчи. Унинг квадрицепс тендонида муаммолар бор. У жуда ҳафсаласи пир бўлди, чунки у ўйнашни ва яхши ҳаракат қилишни хоҳлайди. У бизнинг ярим ҳимоядаги ҳаракатлантирувчи кучимиз, шунинг учун бу катта зарба”, деди Хау журналистларга.

Жоэлинтон жорий мавсумда 23 та ўйинда майдонга тушиб, 3 та гол урди ва 4 та голли узатмани амалга оширди.