"Nyukasl" bosh murabbiyi Eddi Xau braziliyalik yarim himoyachi Joelintonning olgan jarohati haqida gapirdi. Murabbiyning so‘zlariga ko‘ra, futbolchi kamida olti haftani o‘tkazib yuboradi.

"Bu yaxshi emas. Bu jarohat sabab u kamida olti hafta maydonga tusha olmaydi va bu biz uchun haqiqiy zarba. Joelinton - muhim futbolchi. Uning kvadriseps tendonida muammolar bor. U juda hafsalasi pir bo‘ldi, chunki u o‘ynashni va yaxshi harakat qilishni xohlaydi. U bizning yarim himoyadagi harakatlantiruvchi kuchimiz, shuning uchun bu katta zarba”, dedi Xau jurnalistlarga.

Joelinton joriy mavsumda 23 ta o‘yinda maydonga tushib, 3 ta gol urdi va 4 ta golli uzatmani amalga oshirdi.