"ПСЖ" бош мураббийи Луис Энрике ҳужумчилар Рандаль Коло-Муани ва Гонсалу Рамушнинг ҳозирги даражасига шубҳа қилмоқда.
25 ёшли франциялик ва 22 ёшли португалияликни парижликлар ўтган ёзда сотиб олишган эди.
L'Equipe нашри хабарига кўра, Луис Энрике Коло-Муани ва Рамушнинг энг муҳим учрашувларда жамоанинг ҳужумида асосий рол ўйнашга қодирлигига ишончи комил эмас.
Шу билан бирга, манба қайд этганидек, испаниялик мутахассис футболчиларнинг ўзига бўлган ишончини сусайтирмаслик учун уларни ошкора танқид қилмайди.
Рандаль Коло-Муани ПСЖ сафида барча мусобақаларда 20 та ўйинда майдонга тушиб, 7 та гол урди ва 2 та голли узатмага муаллифлик қилган.
Гонсалу Рамуш 19 учрашувда 4 та гол урди ва битта голли узатмага муаллифлик қилган.
