Туркиянинг “Фенербахче” клуби Европанинг трансфер бозоридаги энг фаол футбол клуби ҳисобланади.

Турклар аллақачон Леонардо Бонуччи ва Раде Крунични жамоага таклиф қилишган, аммо улар "Aтлетико Мадрид"нинг черногориялик ҳимоячиси Стефан Савични таклиф қилиш ниятидан қайтмаяпти.

"Фенер"нинг унга бўлган қизиқиши ҳақида аввалроқ хабар берган эдик. Бироқ, Савични фақат ёзда қўлга киритиш эҳтимоли юқори - биринчидан, унинг ҳозирги жамоаси ҳали ҳам футболчига муҳтож, иккинчидан, унинг шартномаси ёзда тугайди ва шу нуқтайи назардан, "Фенербахче" уни текинга олиши мумкин.