Фарғонанинг «Нефтчи» клуби Шавкат Раимқулов билан шартнома имзолаш арафасида турибди. Бунга футболчининг ўзи розилик берса, кифоя.

Фарғоналиклар билан БААда бўлиб ўтган дастлабки мавсумолди йиғинларда иштирок этган футболчи ортга қайтгач, жамоа таркибини тарк этганди. Маълумотларга қараганда, футболчига «Шўртан» ҳам таклиф билан чиқмоқда. Раимқулов билан узоқ муддат бирга ишлаган Эдгар Гесс уни ўз жамоаси сафида кўришни истамоқда.

Раимқуловнинг ўзи бу борада иккала таклифни ҳам ўрганиб чиққан. Катта эҳтимол билан футболчи бугун «Нефтчи» билан икки йиллик шартнома имзолаши мумкин.

Эслатиб ўтамиз, олдинроқ «Нефтчи» «Бунёдкор» ўринбосарлари сафида тўп суриб келган Азиз Ғуломхўжаевни ўз сафига қўшиб олганди.