"Aстон Вилла" бош мураббийи Унаи Эмери жамоаси ёзда асосий футболчиларини сотишни режалаштиряптими ёки йўқлигини айтди.
Эслатиб ўтамиз, Бирмингем клуби эндиликда Aнглия премьер-лигасида иккинчи ўринда бормоқда.
“Биз молиявий фэйр-плей қоидаларига риоя қилган ҳолда ишлаймиз. Шу билан бирга, футболчиларни сотишга тўғри келса, жамоавий салоҳиятимизни йўқотмаслигимизга ишончимиз комил бўлиши керак.
Биз молиявий фэйр-плейга риоя қилган ҳолда асосий ўйинчиларни сақлаб қолишга ҳаракат қиламиз”, деди "Aстон Вилла" менежери матбуот анжуманида.
Aввалроқ, ҳужумчи Олли Уоткинс ёзда Бирмингемни тарк этиши мумкинлиги ҳақида хабарлар тарқалган эди.
