«Челси» устози Рафаель Бенитес кеча бўлиб ўтган «Ньюкасл»га қарши баҳсда бош ҳакам Ҳовард Уеббдан норози бўлганини очиқчасига малум қилди.

Хабарингиз бор мезбонлар ҳимоячиси Фабрисио Колоччини дарвозабон билан якам-якка чиқиб бораётган Демба Бага оёғи билан зарба берган ва натижада ҳужумчи жароҳат олганди. Лекин ҳакам бу ҳолатни жиддий баҳоламади. Шунинг учун Бенитес ўша ҳолат бўйича кескин фикрларини билдирди.

«Менимча, бу қизил карточка ва пенальти эди. Ўша вазият ўйинни ўзгартириб юборди. Бурни синган бир футблчимиз майдонни тарк этди. Бундан ташқари ўзгариш қилишга мажбур бўлдик.

Такрорий лавҳани кўргандан кейин барчасига аниқлик киритилди. Футблчининг бурни сингани ва узоқ вақт давомида қон тўхтамаганлиги яққол исбот бўла олади.

Мен учрашувни бошқарган ҳакамни жуда ҳурмат қиламан, лекин ўша вазиятда у хатога йўл қўйди»,- дейди Бенитес.