“Ал-Иттиҳод” ҳужумчиси Карим Бензема шу ойдаёқ Европага қайтиши мумкин.
Баъзи маълумотларга кўра, 36 ёшли футболчи бош мураббий Марсело Гальярдо билан яхши муносабатда эмас, шунинг учун у тез орада клубини ўзгартириши мумкин. Француз футболчиси "Реал"га қайтаришга тайёр, шунингдек "Лион"да ҳам уни кутишмоқда. Яна бир даъвогар "Манчестер Юнайтед" бўлиб, у Расмус Хойлуннга муносиб рақобатчи қидирмоқда. Учала ҳолатда ҳам жорий мавсум охиригача ижара ҳақида гап бормоқда.
Карим Бензема ўтган ёзда "Реал"дан "Ал-Иттиҳод"га ўтган эди. Футболчи Саудия Арабистони жорий чемпионатининг 15 та учрашувида 9 та гол урди ва 5 та голли узатмани амалга оширди.