Миланнинг “Интер” клуби A Сериянинг навбатдаги турида “Монца” билан ўзига хос тарзда ўйнади – учта пеналти ишлаб, Симоне Индзаги шогирдлари якунда рақиб дарвозасига бешта гол урди.
Aрманистонлик ярим ҳимоячи Генрих Мхитарян 2022 йилдан буён ўйнаб келаётган жамоасига қойил қолишдан чарчамайди.
"Бу жамоадаги барча футболчилар чемпион. Биз ҳаммамиз бир-биримизга ёрдам берамиз ва бир-биримиз учун қурбон бўламиз, барчамиз ғалаба қозонишни хоҳлаймиз ва шунинг учун ишонч билан айтишим мумкинки, бу жамоа ўзгача", - дея Мхитаряннинг сўзларини келтиради fcinter1908.it.
Кейинги турда Италия чемпионати пешқадами “Фиорентина” билан меҳмонда қийин ўйин ўтказади, бу йигирма саккизинчи январ куни содир бўлади.
