"Ньюкасл" ва Бразилия терма жамоаси ярим ҳимоячиси Бруно Гимараэс келаси ёзда клубини ўзгартириши мумкин. Бу ҳақда Football Transfers хабар бермоқда.
Манбанинг хабарига кўра, "қарғалар" раҳбарияти, агар футболчининг ўзи хоҳласа, 26 ёшли ярим ҳимоячини испан футболи гигантларидан бирига қўйиб юборишга қарор қилган. Қайд этилишича, футболчига “Реал” ва “Барселона” даъвогарлик қилмоқда. "Ньюкасл" бразилияликни шартнома бўйича товон пулидан камроқ (115 миллион евро) эвазига қўйиб юборишга тайёр.
Гимараэс 2022 йилдан бери "Ньюкасл"да ўйнамоқда. Жорий мавсумда ярим ҳимоячи барча турнирларда 30та ўйин ўтказиб, битта гол ва тўртта голли узатмани амалга оширди.













