"Ливерпуль" ярим ҳимоячиси Алексис Макаллистер жорий мавсумдаги умидлари билан ўртоқлашди.
"Умид қиламанки, жорий мавсум якунида биз бир нечта турнирларда ғалаба қозонганимизни нишонлаймиз – бу бизнинг мақсадимиз. Аммо биз ҳали бундан йироқ эканлигимизни тушунамиз, шунинг учун ишлашда давом этишимиз керак", - деди аргентиналик футболчи "мерсисайдликлар" матбуот хизматига.
2023/24 йилги мавсумда Макаллистер барча турнирларни ҳисобга олган ҳолда 21 та учрашувда қатнашиб, битта гол урди ва иккита голли узатмани амалга оширди.
20-турдан кейин "Ливерпуль" 45 очко билан Англия Премьер-лигаси турнир жадвалида пешқадамлик қилмоқда.
