Мадриднинг "Реал" клуби президенти Флорентино Перес Испания Суперкубогидаги ғалабадан сўнг "ПСЖ" ҳужумчиси Килиан Мбаппенинг трансфери ҳақидаги саволга жавоб берди.
"Килиан "Реал Мадрид"дами? Бугун бу мавзуни шарҳлаш куни эмас. "Реал" ўз футболчиларидан завқланади" - деди Перес.
1-январь куни Мадриднинг "Реал" клуби франциялик футболчига расмий таклиф билан чиққани ва қарор қабул қилиш муддатини – январь ўрталарида белгилаб қўйгани ҳақида хабар берилганди.
Унинг парижликлар билан шартномаси мавсум охирида тугайди, шунинг учун футболчи энди бошқа клублар билан музокаралар олиб бориши мумкин.
