"Бавария" ярим ҳимоячиси Серж Гнабри жароҳатидан фориғ бўлиб, индивидуал машғулотларга киришди. Бу ҳақда немис клуби матбуот хизмати хабар берди.
Эслатиб ўтамиз, Гнабри сон қисмидаги жароҳати сабаб “Вердер” билан мавсумнинг илк учрашувини (4:0) ўтказиб юборган эди. Кейин, сентябрь ойида у билагини синдириб, кейинроқ касал бўлиб қолди. Ноябрь ойи бошида Серж тузалиб кетди, аммо декабрда у мушакнинг ёрилишидан азият чекди, шу сабабли у яна ўйинларни ўтказиб юборди. Жорий мавсумда 28 ёшли немис “Бавария” сафида барча турнирларда 11 та ўйин ўтказиб, жами 451 дақиқа майдонда ўтказди ва атиги битта гол урди.
