Саудиянинг "Ал-Аҳли" клуби ўзининг асосий юлдузларидан бири - ҳужумчи Роберто Фирминони қўйиб юборишга тайёр.
Журналист Бен Жейкобснинг хабарига кўра, Жидда клуби бразилиялик футболчига тегишли таклиф тушса, ижарага беришга рухсат беради.
Роберто Фирмино ёздан бери "Ал Аҳли"да ўйнамоқда. Жорий мавсумда форвард 19 та ўйинда 3 та гол урди ва 3 та голли узатмани амалга оширди.
Transfermarkt портали 32 ёшли Фирминони 10 миллион еврога баҳоламоқда.
Бунгача бразилиялик футболчи Европада Германиянинг “Хоффенхайм” ва Англиянинг “Ливерпуль” клубларида ўйнаган.
