"Рома" раҳбарияти жамоа тушиб қолган вазиятдан хавотирда.
Tuttomercato нашрининг La Reppublica нашрига таяниб хабар беришича, клубнинг америкалик эгаси Дэн Фридкин бугун Римдаги клуб раҳбарлари (жумладан, унинг ўғли Райан ва бош директори Лина Соулука) иштирокида видеоконференция ташкил этишни режалаштирмоқда.
Тадбир давомида мавжуд вазиятга баҳо берилиб, бош мураббий Жозе Моуриньо билан шартномани узайтириш борасидаги масала ҳам муҳокама қилинади.
“Рома” А Сериянинг сўнгги 6 турида фақат битта ғалабага эришди ва 4-ўриндан 5 очко ортда қолган ҳолда 9-ўринда бормоқда.
Шу билан бирга, Моуриньонинг мавсум давомида ишдан олиниши даргумон, деб ёзади Il Neapolista La Reppublica нашрига таяниб. Бунга португалияликнинг шартнома муддатидан олдин бекор қилинган тақдирда тўлаши керак бўлган товон миқдори 2024 йилнинг ёзига қадар ҳисоблангани билан боғлиқ.
