Бугун сайтимизда янги лойиҳа иш бошлайдиган кун. "Футбол заковати" танлови нафақат мухлислар учун, балки сайт ва унинг ижодкорлари учун ҳам ўзига хос синов. Боиси, мухлислар ўз билимлари ва тезкорликларини намойиш қилишса, сайт учун эса бу лойиҳани қай даражада дастурлаштирилгани маълум бўлади.

Демак, режага кўра, бугун соат 20:00да "А" гуруҳи ўйинлари, 21:00да эса "В" гуруҳи ўйинлари бошланади. Бугунги гуруҳ иштирокчиларига айрим муҳим бўлган қоидаларини эслатиб ўтмоқчимиз.

1. Имкон қадар 19:45да сайтни очинг ҳамда логин (e-mail) ва пароль билан сайт тизимига киринг. Танловнинг "А" гуруҳи учун ўйин бўладиган саҳифасига ўтинг ва савол-жавоблар бўлимининг тагида фикр билдириш бўлими борлигига аҳамият беринг (бу бўлим фақат "А" гуруҳи иштирокчилари учун кўринарли бўлади). Бу жой кўринган бўлса, сайтда эканингизни ва ўйинга тайёрлигингизни сўзлар билан маълум қилинг. Бошловчининг сўзларини диққат билан ўқинг ва танлов давомида имкон қадар ортиқча сўз ёзманг (бу сайт серверига ортиқча юк бўлиши мумкин).

2. Агар қайсидир иштирокчида соат 20:00га яқин ўйин ўтадиган саҳифада фикр билдириш учун махсус бўлим кўринмаган бўлса, сайт тизимидан чиқиб, логин (e-mail)/пароль орқали бошқатдан киринг. Ана шунда бундай муаммо бартараф этилади.

3. Кун давомида "Футбол-Заковати" қоидалари билан яна бир марта танишиб чиқинг. Бу сизнинг муваффақиятингиз учун фойдадан ҳоли бўлмайди.

4. "А" гуруҳи ўйинлари якунланганидан кейин "В" гуруҳи ўйини бошланади.

Барча иштирокчиларга омад тилаймиз!