ФИФA талқинига кўра 2023 йилнинг энг яхши мураббийи деб топилган "Манчестер Сити" бош мураббийи Пеп Гвардиола ўзининг собиқ жамоаси "Барселона" ҳақида гапирди.
"Барса" – менинг юрагимга жо бўлган клуб. У ерда менга ҳамма нарсани беришди. Бу менинг ҳаётимнинг бир қисми.
"Манчестер Сити"га келсак, бу клуб кўплаб ходимларнинг меҳнати эвазига юксалди. "Шаҳарликлар" билан требл - мен учун алоҳида лаҳза", - деди "Барселона"нинг испаниялик собиқ мутахассиси.
Эслатиб ўтамиз, Гвардиола мураббийлик фаолиятини Каталония грандида бошлаган. Хосеп 2016 йилда «Манчестер Сити» бош мураббийи лавозимини эгаллаган. Унинг қўл остида жамоа кўплаб совринларни қўлга киритди.
