Мадриднинг “Атлетико” клуби дарвозабони Ян Облак ФИФА томонидан йилнинг энг яхши футболчиси соврини учун овоз беришда иштирок этди. Словениялик дарвозабон биринчи ўринга "Интер Майами" вакили Лионель Мессини қўйди ва у якунда совринни қўлга киритди.

Облак рўйхатда иккинчи ўринга ўзининг "Атлетико Мадрид"даги собиқ жамоадоши Родри Эрнандесни киритди. Ярим ҳимоячи ўтган мавсумда "Манчестер Сити" билан треблни қўлга киритди ва Чемпионлар лигаси финалида "Интер"га қарши ўйинда ғалаба голини киритди. Облакнинг кучли учлигини “Манчестер Сити”нинг яна бир футболчиси, ҳужумчи Эрлинг Холанд якунлади.