Декабрь ойида "Манчестер Юнайтед" Жим Рэтклифф бошчилигидаги INEOS клубнинг 25 фоиз улушини сотиб олаётганини ва унинг футбол ишларини бошқаришни ўз қўлига олаётганини эълон қилди.
Тўғри, келишув ҳали Премьер-лига томонидан ратификация қилиниши керак - бу февраль ойининг биринчи ярмида содир бўлиши мумкин.
Evening Standard нашри хабарига кўра, Рэтклифф "Манчестер Юнайтед"нинг трансфер мақсадини аллақачон аниқлаб бўлган. Бизнесмен "Харри Кейн даражасида" ўйин кўрсатадиган марказий ҳужумчиси билан шартнома имзоламоқчи.
Эслатиб ўтамиз, "Манчестер Юнайтед" Англия чемпионати турнир жадвалида еттинчи ўринда бормоқда.
