"Бавария" бош мураббийи Томас Тухель жамоа ҳужумчиси Харри Кейн ҳақида фикр билдирди.

“Мен унинг мураббийи бўлишдан фахрланаман. Бу мен учун шунчаки совға. Бу йигит жуда камтар, у ҳар куни майдонга биринчи бўлиб чиқади.

Ундан нима сўрасангиз, у шуни бажаради. Бу улкан шахсият. Ҳа, у камтарин, лекин майдонда у акулага айланади, чунки у доим гол ва ғалаба қозонишни хоҳлайди", - дея германиялик мураббийнинг сўзларини келтиради TalkSport.

30 ёшли Кейн ўтган ёзда "Бавария"га ўтган эди. Бу вақт ичида у барча турнирларда 23 та учрашувда майдонга тушиб, 26 та гол урди ва 8 та голли узатмани амалга оширди.