Туриннинг "Ювентус" клуби ёзги трансфер кампаниясига тайёргарлик кўрмоқда, клубни ҳужумда кучайтириш керак - клуб раҳбарияти ва унинг бош мураббийи Массимилиано Аллегри шундай хулосага келишди.

Клубни эса Альберт Гудмундссон кучайтира олади, у ҳозирда А Серияга қайтган “Женоа”да ўйнамоқда ва жорий мавсумда саккизта гол урган. "Ювентус" раҳбарияти уни жуда яхши кўради. Келишувнинг молиявий шартлари ҳозирча номаълум, дея аниқлик киритади нуфузли италиялик журналист Жанлука ди Марцио.

Эслатиб ўтамиз, Турин клуби ҳозирда Италия чемпионати турнир жадвалида иккинчи ўринда бормоқда.