"Ювентус" ҳужумчиси Душан Влахович туринликларнинг Италия А Сериясида "Сассуоло"га қарши ўйиндаги ғалабаси (3:0) ҳақида фикр билдирди.
“Биз ҳар бир ўйинга худди мавсумдаги сўнгги ўйинимиздек ёндашамиз. Биз боримизни бериб, қадамма-қадам олға борамиз. Худди шу руҳда давом этишимиз керак. "Интер" ўз ўйинини эрта ўтказгани бизни босим остида қолдирганми? Тақвим лига томонидан белгиланади. Мақсадимиз кучли тўртликдан жой олиш эканини биламиз. Нимага эриша олишимизни вақт кўрсатади", - дея Влахович сўзларини келтирмоқда DAZN.
Жорий мавсумда Душан Влахович Туриннинг “Ювентус” клуби сафида барча турнирларда 20 та ўйинда майдонга тушиб, 9 та гол ва 2 та голли узатмага муаллифлик қилган.
