"Тоттенхэм" ярим ҳимоячиси Пьер-Эмил Хёйбьерг бошқа жамоага кетмаслиги мумкин.
Данияликнинг кетиши ўтган ёзда қизғин муҳокама қилинган эди, чунки бош мураббий Анге Постекоглу футболчига ишонмайди. Sky Sports нашрининг янгиланган хабарига кўра, "Тоттенхэм" Хойберг билан хайрлашишга шошилмаяпти. Лондон клуби 28 ёшли ярим ҳимоячининг шартномаси бир ярим йилдан кейин тугашига қарамай, арзонлаштирилган нархда сотишга рози бўлмайди. Бундан ташқари, "шпорлар" раҳбарияти сотиб олиш мажбуриятини ўз ичига олмаган ижара таклифларини ҳам кўриб чиқмайди.
Пьер-Эмил жорий мавсумда “Тоттенхэм” сафида 22 та ўйинда майдонга тушди. Transfermarkt портали 28 миллион еврога баҳолаган ярим ҳимоячига "Наполи", "Ювентус" ва Премьер-лига клублари қизиқиш билдирмоқда.
