"Фулхэм" марказий ҳимоячиси Тосин Адарабиойога Италия А Сериясининг икки гранди қизиқиш билдирмоқда.
26 ёшли футболчи мавсум якунида, амалдаги шартномаси тугагач, эркин агент сифатида лондонликларни тарк этиши мумкин. MailSport хабарига кўра, "Интер" ва "Милан" англияликни ўз сафига қўшиб олиш мақсадида вазиятни кузатиб боришмоқда. Аввалроқ, миш-мишлар марказий ҳимоячини "Тоттенхэм"га ўтиши мумкинлиги билан боғлаган эди.
Тосин Адарабиойо жорий мавсум “Фулхэм”нинг 12 та ўйинида қатнашиб, 1 та гол урган. Transfermarkt портали "Манчестер Сити" тарбияланувчисининг нархини 12 миллион еврога баҳоламоқда.
