Тунис терма жамоаси бош мураббийи Жалол Кадри Aфрика Миллатлар Кубоги гуруҳ босқичининг 1-турида Намибиядан учралган мағлубиятдан сўнг (0:1) ўз жамоасини жаҳон чемпионати ғолиби Aргентинага қиёслади.
“Баъзи жамоалар турнирдаги биринчи ўйинда мағлубиятга учраган ва кейинчалик яхши натижаларга эришган.
Aргентина терма жамоаси биринчи ўйинда Саудия Aрабистонига мағлуб бўлди ва якунда жаҳон чемпиони бўлди", - дея Кадрининг сўзларини келтирган Actu Foot Afrique Х ижтимоий тармоғида (собиқ Твиттер).
Бир кун аввал, 16 январ куни Тунис ва Намибия терма жамоалари ўртасидаги учрашув бўлиб ўтди. Ўйин охирида Деон Ҳоттонинг голи эвазига Намибия минимал ҳисобда ғалаба қозонди.
Aфрика миллатлар кубоги гуруҳ босқичининг навбатдаги турида Тунис терма жамоаси Малига қарши баҳс олиб боради.
