"Байер" ярим ҳимоячиси Флориан Вирц катта эҳтимол билан келаси ёзда ўз жамоасида қолади.
Манбанинг қайд этишича, “доричилар” 20 ёшли Вирц учун 130-150 миллион евро товон пули талаб қилишмоқда.
Агар “Байер” бош мураббийи Хаби Алонсо кейинги мавсумда жамоада қолса, Флориан испаниялик мутахассис билан ишлашни давом эттириш ниятида.
Маълум қилинишича, "Байер" ҳам яқин вақт ичида Вирцга янги шартнома таклиф қилиши мумкин. Ярим ҳимоячи Бундеслиганинг жорий мавсумида 5 та гол ва 7 та голли узатмани амалга оширди.