"Манчестер Сити" ҳимоячиси Кайл Уокер АПЛнинг сўнгги турида жамоасига "Ньюкасл" устидан ғалаба қозонган (3:2), гол урган ва голли узатмани амалга оширган ярим ҳимоячи Кевин де Брюйненинг савиясига баҳо берди.
“Менимча, Де Брюйне билан фақат Месси ва Роналду солиштириш мумкин. Кевин "Ньюкасл"га қарши майдонга тушганида, у жамоага олиб келган куч ва қувватни ҳамма ҳис қилди. Де Брюйне тўпни қабул қилганда, у майдоннинг энг яхши футболчиси бўлади", - дея Уокер сўзларини келтирмоқда City Xtra.
Эслатиб ўтамиз, аввалроқ Де Брюйне жароҳати сабаб мавсумнинг биринчи ярмини ўтказиб юборганди. "Ньюкасл" билан ўйин белгиялик ярим ҳимоячи учун узоқ вақтдан бери биринчи бўлди.
