"Бавария" ҳужумчиси Томас Мюллер замонавий футбол ҳақида гапирди.
Футболчининг сўзларига кўра, у ҳозирги футболни жуда юмшоқ деб ҳисоблайди.
“Очиғини айтишим керак, бугунги футбол мен учун баъзан жуда юмшоқ. Қаттиқликнинг ўзига хос жозибаси бор.
Бу ғайриинсоний бўлиши шарт эмас, лекин мураббийларга ўз ўйинчиларига нисбатан маълум даражада қаттиққўллик кўрсатишга рухсат бериш керак", - дея Мюллернинг сўзларини келтиради BuliNews.
2023/2024 йилги мавсумда Томас Мюллер "Бавария" таркибида 20 та ўйин ўтказди. Уларда ҳужумчи иккита гол урди ва еттита голли узатмани амалга оширди.
