"Рома"нинг янги бош мураббийи Даниэле де Росси жамоа билан муваффақиятга эриша олишига ишонмоқда.
Жозе Моуриньо римликларнинг A Сериядаги ҳалокатли ўйини туфайли ишдан бўшатилди. Шартномаси мавсум охиригача амал қиладиган "Рома"нинг собиқ сардори де Росси вазиятни тўғирлаши керак.
“Барча йирик клублар қийин кунларни бошдан кечирмоқда. Ўйлайманки, бизда жуда кучли жамоа, кўплаб ажойиб футболчилар бор.
Рақобатчиларимизда ҳам муаммолар бўлиши мумкин ва биз бундан фойдалана олишимиз керак. Ўйлайманки, бизда керакли даражага қайтиш учун ҳамма нарса бор", - деди Де Росси.
