"Бенфика" ҳужумчи Петар Муса учун турли клублардан тушган таклифларни кўриб чиқмоқда.
Журналист Фабрицио Романонинг хабар беришича, “Женоа” хорватиялик футболчига асосий даъвогар, аммо футболчига Германия, Франция, Англия ва МЛС клублари ҳам қизиқиш билдирмоқда. У шу ойда "Бенфика"ни тарк этиши кутилмоқда.
25 ёшли Муса 2022 йилнинг ёзидан бери "Бенфика"да ўйнамоқда. Жорий мавсумда у Лиссабон жамоаси сафида барча мусобақаларда 23 та ўйин ўтказиб, 6 та гол урди ва 2 та голли узатмани амалга оширди. Transfermarkt портали футболчининг нархини 8 миллион еврога баҳоламоқда.
