Кэлвин Филлипс "Барселона"га ижарага ўтишга тайёр.
Diario Sport хабарига кўра, Каталония клуби Филлипснинг ўйин сифати жамоа эҳтиёжларига мос келади, деб ҳисобламоқда. Ярим ҳимоячига "Барселона"га ижарага ўтиш ҳам ёқади, аммо "Блауграна"нинг молиявий муаммолари туфайли трансферни амалга ошириш қийин бўлади. Клуб ўйинчилардан бирини сотса ёки яқин орада Barca Studios активларини сотиш бўйича келишувни ёпсагина инглиз футболчисини рўйхатдан ўтказиши мумкин бўлади.
Хабарларга кўра, агар ижара бепул бўлса ва фақат маош бўйича мажбуриятларни бажариш керак бўлса, "Барселона" Филлипсни сотиб олишни кўриб чиқади. Бироқ бундай шароитлар "Манчестер Сити"га тўғри келмайди.
Қайд этилишича, Филлипсни қўлга киритиш учун фаворит "Вест Хэм" бўлиб, у январда тўлиқ трансферни амалга оширишга тайёр.
