"Порту" ҳужумчиси Меҳди Тареми "Интер"га ўтиши ҳақидаги миш-мишларга изоҳ берди. Олдинроқ, эронлик футболчи "Жузеппе Меацца"га эркин агент сифатида трансфер шартлари бўйича келишиб олгани ҳақида маълумотлар пайдо бўлганди. Ўтиш ёзда амалга оширилиши мумкин.
"Интер"га ўтиш? Ҳозир бу ҳақда гапиришнинг вақти эмас. Ҳозир бор эътиборимни фақат Эрон терма жамоаси ва Осиё Кубогига қаратганман", - дея Тареми сўзларини келтирмоқда Inter Xtra.
Мавсум бошланишидан олдин Тареми "Милан"га ўтиши мумкин эди, аммо трансфер охир-оқибат амалга ошмади. Жорий Португалия чемпионатида 31 ёшли Меҳди учта гол урди ва битта голли узатмани амалга оширди.
