Лондоннинг “Челси” клубининг собиқ футболчиси Сеск Фабрегас “Ливерпуль” ва Миср терма жамоаси ҳужумчиси Муҳаммад Салоҳ ҳақида фикр билдирди.
"Салоҳ "Челси"да ўйнаганида, у бундай кучли ўйин кўрсатмаганди. Aммо унда кўп имкониятлар бўлмади.
Ўшанда Муҳаммад тез эди, у эркин зоналарга яхши йўл оларди. Aммо ўша пайтда ҳимоячиларга қарши яккама-якка ҳаракат қилиш унга қийин эди. Энди у буни анча яхши уддалаяпти", - дея испанияликнинг сўзларини келтиради BBC.
Эслатиб ўтамиз, Салоҳ "Ливерпуль" сафига 2017 йилда келиб қўшилганди. Жорий мавсумда 31 ёшли мисрлик 27 учрашувда майдонга тушиб, 17 гол урди ва 9 голга ассистентлик қилган.
