"Ливерпуль" бош мураббийи Юрген Клопп Африка Миллатлар Кубоги гуруҳ босқичи 2-турида Гана термасига қарши ўйинда (2:2) Муҳаммад Салоҳнинг жароҳати ҳақида гапирди. Унинг таъкидлашича, ҳозирча аниқ маълумот йўқ.
“Биз ҳеч нарсани билмаймиз. Кеча у билан гаплашдим ва у қўшимча тиббий кўрикдан ўтиши керак. Айни пайтда улар шундай қиляптилар", - дея Клоппнинг сўзларини келтиради клуб расмий сайти.
Миср терма жамоаси ва “Ливерпуль” ҳужумчиси Салоҳ Ганага қарши ўйиннинг биринчи бўлими охирида алмаштирилди.
