"Верона" вингери Сирол Нгонге тез орада "Наполи"нинг янги футболчисига айланади. Бу ҳақда инсайдер Фабрицио Романо хабар бермоқда.
Манба берган хабарга кўра, 23 ёшли бельгиялик неаполликлар клубига ўтиш учун тиббий кўрикдан ўтган.
Романонинг таъкидлашича, Нгонгенинг "Наполи" билан шартномаси 19 январь, жума куни имзоланади.
Манбанинг қайд этишича, келишув 18 миллион евро ва бонуслар сифатида 2 миллион еврони ташкил қилади.
Жорий мавсумда Нгонге барча турнирларни ҳисобга олган ҳолда 21 та учрашувда қатнашиб, 6 та гол урди ва иккита голли узатмани амалга оширди.
