"Verona" vingeri Sirol Ngonge tez orada "Napoli"ning yangi futbolchisiga aylanadi. Bu haqda insayder Fabrisio Romano xabar bermoqda.

Manba bergan xabarga ko‘ra, 23 yoshli belgiyalik neapolliklar klubiga o‘tish uchun tibbiy ko‘rikdan o‘tgan.

Romanoning ta’kidlashicha, Ngongening "Napoli" bilan shartnomasi 19 yanvar, juma kuni imzolanadi.

Manbaning qayd etishicha, kelishuv 18 million yevro va bonuslar sifatida 2 million yevroni tashkil qiladi.

Joriy mavsumda Ngonge barcha turnirlarni hisobga olgan holda 21 ta uchrashuvda qatnashib, 6 ta gol urdi va ikkita golli uzatmani amalga oshirdi.