ПФЛ Кубогида қатнашаётган «Қизилқум» жамоаси тақвимдан келиб чиқиб 2-тур учрашувларини ўтказиб юбориши лозим эди. Равшан Ҳайдаров оралиқдаги вақтни «Бухоро» билан ўртоқлик учрашуви ўтказиш билан ёпишга қарор қилди.

«Оқтепа» майдонида бўлиб ўтган «Қизилқум» - «Бухоро» учрашуви қизиқарли курашларга бой бўлди. Биринчи бўлимда зарафшонликлар ташаббусга эга чиққан бўлсалар, иккинчисида «Бухоро» футболчилари яхши ҳаракат қилишди.

Биринчи бўлимда Фаррух Шотурсунов ҳисобни очди. Унга Азамат Бобожонов «пас» берган эди. Шу куни Бобожоновнинг ўйини анча яхши кўриниш олди. «Бухоро»нинг эса ҳимоя чизиғида муаммолар йўқ эмас эди. Иккинчи бўлимда Нарзуллаев ҳисобни теглаштирди. Кўп ўтмай Тачмурод Агамуродов шогирдлари ҳисобда олдинга чиқиб олдилар. Баҳс якунига етишига саноқли дақиқалар қолганида Наврўз Алимов «Қизилқум»ни мағлубиятдан қутқариб қолди.

«Қизилқум» - «Бухоро» 2:2 (1:0)
Голлар: Ф.Шотурсунов, Н.Алимов - О.Нарзуллаев, Б.Вахобов
«Қизилқум»: А.Макосин, А.Саматов, И.Ильин, Т.Кагиров, Ф.Қамбаров, А.Власичев, А.Бобожонов, М.Умирзоқов, Т.Васильев, С.Холматов, Ф.Шотурсунов.
Захирадан тушганлар: Т.Яфаров, М.Тошматов, Ф. Ҳайдаров, Н.Алимов, А.Холиқов.
«Бухоро»: Б.Носиров, А.Николаев, Д.Ония, А.Мухитдинов, Г.Квесиешвили, А.Саноев, А.Маҳмудов, О.Нарзуллаев, О.Валижонов, А.Азизов, Б.Вахобов.
Захирадан тушганлар: E.Кочнев, Ш.Сулаймонов, В.Шодиев, А.Муротов.